Policia ka reaguar pas plagosjes së kreut të bashkisë së Divjakës Fredi Kokoneshit dhe shoferit të tij. Sipas njoftimit, ngjarja ka ndodhur pranë bashkisë rreth orës 09:30 të mëngjesit, ndërsa autori Orgest Xhelili është arrestuar nga uniformat blu.
Policia thotë se Kokoneshi dhe shoferi i tij Gazmend Bullari ndodhen në spital, por nuk jep detaje se si është gjendja e tyre shëndetësore.
Rrethanat e ngjarjes janë ende të paqarta, se përse Xhelili, një ish punonjës i Bashkisë Divjakë do të plagoste me thikë ish eprorin e tij.
Njoftimi:
Divjakë – Rreth orës 09:30, në afërsi të bashkisë Divjakë, shtetasi Orgest Xhelili, 46 vjeç, dyshohet ka goditur me mjet prerës, Fredi i Kokoneshi, me detyrë Kryetar i bashkisë Divjakë dhe shoferin e tij, shtetasin Gazmend Bullari, 45 vjeç. Të dëmtuarit janë transportuar menjëherë dhe po marrin ndihmë mjekësore, në Spitalin Rajonal Lushnjë.
Eshtë kapur dhe shoqëruar në Komisariat, për veprime të mëtejshme procedurale, shtetasi Orgest Xhelili, si autor i dyshuar i plagosjes.
Në vendngjarje ndodhen drejtuesit më të lartë të DVP Fier.
Grupi hetimor, nën drejtimin e Prokurorisë, po punon për sqarimin e plotë të rrethanave të ngjarjes.
Lexo edhe: Plagoset me thikë kryebashkiaku i Divjakës
Discussion about this post