Fredi Kokoneshi, kryetari i bashkisë Divjakë është sulmuar 13 korrikun e këtij viti nga Dritan Stërkaj, nipi i deputetit të PS, Paulin Stërkaj me grushta.
Ka qenë vetë kryetari i bashkisë i cili i është drejtuar komisariatit për të kryer denoncimin pasi është dhunuar nga Stërkaj, i cili është edhe administrator i një resorti. Shkak i konfliktit me nipin e deputetit të PS ishin pagesat e taksave ndaj Bashkisë që resorti ka detyrim.
Përsëri ditën e sotme Kokoneshi është dhunuar me thikë nga një ish-punonjës i IT-së në bashkinë që ai drejton. Xhelili, autori i plagosjes, pas një konflikti me kryetarin e ka goditur disa herë me thikë atë dhe shoferin e tij, duke i lënë të dy të plagosur.
Debati mes tyre ka nisur pranë qendrës shëndetësore të Divjakës ku më pas ka kaluar në plagosjen e të dyve. Shkak dyshohet të jetë bërë largimi i Xhelilit nga puna.
Aktualisht Kokoneshi dhe shoferi i tij Gazmend Bullari janë duke marrë ndihmë mjekësore në spitalin e Lushnjes.
Lexo edhe: Plagosja e Kokoneshit, policia tregon si ndodhi ngjarja: Arrestuam autorin
Kujtomë se më herët, Partia Demokratike i ka kërkuar hetimin e Fredi Kokoneshit, kryetarit të Bashkisë Divjakë si kandidat i PS, për shkak se rezulton i përfshirë dhe i dënuar për trafik të qënieve njerëzore në Itali. Kanë qenë 15 deputetë të PD të cilët kanë kërkuar nga organi i prokurorisë që të ndjek procedurat sipas ligjit të dekriminalizimit.
Discussion about this post