Sulmuesi i njohur shqiptar, Elis Bakaj prej një viti nuk luan më në fushën e blertë dhe në intervistën ekskluzikve në Newsport.al tregon se e ka pasur të vështirë të komunikojë zyrtarisht tërheqjen nga futbolli i luajtur.
Në një postim në rrjetet e tij sociale ai shprehet me fjalë emocionuesë dhe falenderon të gjithë ata që e kanë mbështetur në këtë rrugëtim megjithëse nuk i mbyll derën totalisht botës së futbollit.
“Futbolli më dha gjithçka në jetë. Si një moment që do të vinte me shumë kujtime të bukura që do të përfundonin por edhe me shumë sakrifica. Falenderoj Zotin që më bëri të punoj në profesionin që dashuroja më shumë. Falenderoj familjen time, prindërit, gruan, motrën të cilët kanë qenë me mua në çdo moment të bukur dhe të vështirë. Pa ta nuk do të ja dilja. Falenderoj të gjithë trajnerët që më mbështetën që nga hapat e parë të karrierës deri në fund.
Falenderoj fansat, ata që më mbështetën por edhe më thanë se nuk është mjaftueshëm por ky sport është i bukur sepse i ka të gjitha. Futbolli ka qenë dhe do të jetë pjesë e jetës sime pa të cilën nuk jetoj dot. Sigurisht, të luaj nuk mundem më por do të jemë përsëri në pozicione të tjera. Faleminderit Zot dhe të gjithë ju që ishit pjesë e karrierës sime të gjatë.”
View this post on Instagram
Discussion about this post