Paraditen e sotme banorët e Bërxullës kanë dalë në protestë. Ata kundërshtojnë zbatimin e projektit të rrugës Thumanë- Kashar, nga i cili preken 20 banesa.
Situata ka përshkallëzuar teksa ata janë përplasur me forcat e FNSH-së dhe kanë brohoritur në kor: Shteti po na vret! Një nga banoret u shpreh se ata janë të vendosur të mbrojnë pronën e tyre.
Të tjerë hodhën akuza të njëpasnjëshme ndaj qeverisë, duke paralajmëruar se nëse është e nevojshme do bëhen kriminelë për të mos dalë nga shtëpitë e tyre.
Lexo edhe: “Populli nuk mban më”, qytetarët: Të gjithë duhet të protestojnë
“Kemi punu një jetë të tërë, deri në gju të shkojë gjaku ne shtëpitë nuk i lirojmë. Popullit i ka shkuar thika deri në palcë nuk duron më. Fëmijët i kemi pa shkollë, ku t’i çojmë? Ne nuk kemi qenë në dijeni për projektin.”-u shpreh një nga protestueset.
“S’keni turp, prekni dhe femrat, shtet kriminel, maskarenj” S’ka shans as Balluku e as Rama të fusë duart në pronat tona, do bëhemi ne kriminelë”-tha një tjetër.
Ata kanë mbi 30 ditë që protestojnë kundër zhvillimit të projektit, ndërsa rreth 80% e banesave që do të preken janë të legalizuara.
Discussion about this post