Ndër të ftuarit e mbrëmjes së djeshme në “Më lër të flas” ishte e ftuar edhe modelja e njohur, Miss Universe Albania 2018, Trejsi Sejdini.
Përpos jetës private, Trejsi foli edhe për karrieren e saj të cilën po e ndërton në New York, atje ku po jeton prej kohësh.
Ajo nuk la pa permendur edhe gafat e saj që janë komentuar e janë bërë shpesh virale në rrjetet sociale.
“Këtë periudhë jam shumë e fokusuar që të mbaj energjinë time të paprekur nga gjërat rreth e qark meje. Që më pengojnë për të më ulur moralin, vullnetin. Nuk kam qenë vetëm larg televizionit, kam qenë edhe larg njerëzve. Intervistat që mund të kem bërë më përpara jam bërë shumë pishman që i kam bërë. Çdo personazh që ka dhënë intervistë në moshë të vogël ka lënë disa gafa. Unë kam një gjë shumë të mirë. E shoh gafën time dhe e bëj ‘meme’ vetë në TikTok”- u shpreh Trejsi.
Sa i përket karrierës së saj, Trejsi zbuloi se po realizon “ëndrrën amerikane.”
“Momentalisht po realizoj ëndrrën time amerikane. Sapo kam firmosur një kontratë me një agjenci atje. I jam shumë falenderuese Fadil Berishës. Në Shqipëri nuk ka shumë mundësi për t’u angazhuar. Tani sapo kam firmosur”– zbuloi Trejsi.
Discussion about this post