Ka nisur konferenca e përbashkët pas mbledhjes së dy qeverive të Shqipërisë dhe Maqedonisë së Veriut. Si dhe firmosjes së 21 marrëveshjeve. Kryeministri i Maqedonisë së Veriut, Dimitar Kovaçevski falenderoi Edi Ramën dhe Shqipërinë për mbështetjen. Ai garandoi se të dy vendet do ia dalin në të ardhmen. Kjo falë lidershipit dhe vizionit të tyre.
Lexo edhe: Nis takimi ndërqeveritar Shqipëri-RMV, Kovacevski: Ky është qëllimi ynë
“Ka bashkëpunim të ngushtë mes shteteve tona. Unë dhe Edi kemi vullnet të fuqishëm politik të përbashkët. Të dy kemi demostruar çfarë është të jesh lidership i guximshëm dhe i suksesshëm. Prandaj gjendemi në rrugën e përbashkët europiane. Prandaj do doja të gjeja rastin ta falenderoja Edin për mbështetjen. Edhe pse nuk është e lehtë, ju Edi, na dhatë mbështetje. Është mirë të kemi miq si Shqipëria, së bashku mund të bëjmë shumë dhe unë këtë mbështetje do ta mbaj mend përgjithmonë”, tha kryeministri maqedonas.
“Shumë lehtë është të flitet për të kaluarën dhe atë që na ndan, por të flitet për zhvillim dhe të ardhmen, kërkon punë, vizion dhe lidership dhe ne këtë e kemi, prandaj do ia dalim”, shtoi Kovaçevski.
Discussion about this post