Një deputet laburist ka akuzuar Zyrën e Brendshme për “paragjykim racor dhe fetar” në lidhje me dhënien e vizave për emigrantët që donin të jetonin në Britaninë e Madhe. Duke folur në Commons, Imran Hussain tha se më pak se 20% e aplikimeve refuzohen.
“Megjithatë, kur bëhet fjalë për ato të kombësisë pakistaneze dhe Bangladeshe, këto shifra papritur, në mënyrë dramatike dhe të pashpjegueshme rriten në 30%. Pra, a pret vërtet ministrja që ne të besojmë se nuk ka paragjykime racore apo fetare në Zyrën e Brendshme?”, tha ai.
Ministri i Emigracionit, Robert Jenrick u përgjigj duke thënë se deputeti ishte “plotësisht gabim” dhe vërejtjet e tij përbënin “një ofendim të pabazë” ndaj zyrtarëve të Home Office. Në vend të kësaj, ai vuri në dukje shifrat që tregojnë se 303,000 viza dhe leje ishin dhënë këtë vit, 61% më shumë se në vitin 2019.
Britania e Madhe ka nënshkruar një marrëveshje me Francën me qëllim që do të ndalojë emigrantët e paligjshëm të kalojnë në Kanalin Anglez. Numri i emigrantëve të paligjshëm që mbërrijnë në Britani përmes kanalit të La Manshit është rritur ndjeshëm muajt e fundit. ‘Në shënjestren’ e mediave britanike kanë qenë dhe shqiptarët, të cilët muajt e fundit kanë thyer rekord mbërritjesh në brigjet britanike përmes varkave të vogla. Çështja e emigrantëve është kthyer në debatin e ditës në Britani, të shumtë janë deputetët, ministrat apo dhe drejtuesit lokal që duan t’i japin fund këtij fenomeni.
Discussion about this post