Irani ka dënuar me vdekje një qytetar për pjesëmarrjen e tij në protestat pas vdekjes së Mahsa Amini . Është hera e parë që me rastin e protestave vendoset ky dënim i rëndë.
I dënuari, detajet e të cilit nuk bëhen të ditura, i kishte vënë flakën një objekti publik .
Në fillim të nëntorit Kuvendi i vendit me një shumicë shumë të madhe (272 nga 290) kishte votuar pro vendosjes së dënimit me vdekje për krime të rënda kundër shtetit.
Dënimi me vdekje është në fuqi në Iran, i cili besohet të ketë numrin e dytë më të madh të ekzekutimeve çdo vit, pas vetëm Kinës .
Që nga mesi i shtatorit kanë humbur jetën më shumë se 326 persona, të cilët kishin dalë në rrugë pas vdekjes së të resë Mahsa Amini, i cila u burgos për mosmbajtje të hixhabit siç duhet.
Discussion about this post