Deputeti i Partisë Demokratike Saimir Korreshi, kundërshtoi ashpër vendosjen e traut në parkun kombëtar “Divjakë-Karavasta”, vendimin që solli përplasje të fortë mes banorëve dhe policisë ditën e sotme.
Gjatë një interviste për mediat, deputeti u shpreh se kuponët e lëshuar nuk kanë shkuar kurrë te tatimet, çfarë sipas tij do të thotë se nuk dihet se nga shkojnë paratë që paguhen nga qytetarët. Ai theksoi se protesta e banorëve është legjitime dhe një vendim i tillë dëmton rëndë bizneset e zonës, që rrezikojnë falimentin.
“Numri i kuponëve nuk ka shkuar kurrë te tatimet. Nuk është investuar kurrë në Divjakë. Protesta e banorëve të Divjakës është legjitime. Bizneset do shkojnë drejt falimentimit”, tha Korreshi.
Me pankarta të ndryshme “Mos e luani atë që s’e preku as gjermani, “Fëmijët tanë duan oksigjenin” banorët e Divjakës thanë se janë kundër tarifave që planifikohen të zbatohen për personat dhe mjetet që vizitojnë parkun kombëtar.
Discussion about this post