Ministri i Drejtësisë Ulsi Manja i ka kërkuar demokratëve që të shkëputen nga lideri i tyre Sali Berisha. Duke folur nga foltorja, Manja tha se fjalori që ai përdori sot në Kuvend, tregon qartë se i ka mbetur ora në të shkuarën.
‘Fjalori që u përdor sot këtu tregon se ora ka mbetur në të kaluarën. Në rrafshin personal nuk jam këtu për t’iu përgjigjur Sali Berishës se një njeri që brenda ditës ka gënjyer 3 herë se nuk e kishte baxhank një personi që humbi jetën në Gërdec, nuk e meriton përgjigjen time. Po meqë ka marrë drejtimin e PD, do i përgjigjem.
Ky kalorësi thotë se do e zbresë njerëzit në shesh. Keq që akoma ka njerëz që e besojnë. Thirrja ime nuk është për kolegët e mi por për ata të opozitës, mbahuni sa nuk është vonë prej këtij njeriu, ndahuni nga gjuha e tij, nuk ka pasur hajër, ai përsëri mban peng të ardhmen e Shqipërisë.’- tha Manja.
Discussion about this post