Shqiptarët po kryesojnë tregjet e trafikut ndërkombëtar të drogës kudo në botë, ku sëfundmi një grup i fuqishëm është zbuluar në Spanjë.
Një organizatë kriminale me origjinë shqiptare që vepronte nga Costa Tropical të Granadës dhe në Malaga të Spanjës është çmontuar nga Policia Kombëtare. Ky grup ishte i përkushtuar për kultivimin, transformimin dhe dërgimin e sasive të mëdha të marijuanës në Evropën veriore.
Nga pesë personat e arrestuar, katër janë lënë në burg, të akuzuar për kryerjen e dyshuar të krimeve të trafikut të lëndëve narkotike, grupit të strukturuar kriminal dhe mashtrimit të energjisë elektrike.
Hetimi për këtë grup filloi marsin e kaluar, kur Grupi i Narkotikëve të Komisariatit të Policisë Motril mori disa informacione në lidhje me ekzistencën e një plantacioni marijuane që kultivohej brenda një magazine industriale të një qyteti të vogël në bregdetin e Granadës.
Discussion about this post