“Arrest me burg” ka vendosur Gjykata e Posaçme për 5 të arrestuarit, për inceneratorin e Fierit. 5 të arrestuarit përballë gjyqtares Irena Gjoka kanë mohuar akuzat, duke u shprehur se ata kanë ndjekur vetëm proceduarat ligjore, komform rregullave dhe legjislacionit shqiptar.
Në burg do qëndrojë Arben Dervishaj, që ka pasur rolin e mbikëqyrësit dhe sipas prokurorisë ka firmosur shkresa që punimet kanë përfunduar por në të vërtetë në inceneratorin e Fierit nuk është kryer asnjë punë duke i shkaktuar shtetit një dëm prej 4 mln eurosh.
Gjithashtu ne burg do qëndrojnë edhe Regan Merdani, Gentian Zifla, Robert Shabani, Enver Sheshi, administratorë të firmave kontraktore, të cilët kanë firmosur shkresa fiktive për punë të pakryera duke shkaktuar një dëm prej 60 mln lekësh përmes mashtrimit me TVSH-në. Burime nga SPAK bëjnë me dije se nuk përjashtohet mundësia që për aferën e inceneratorin e Fierit të ketë arrestime të tjera.
Në marsin e këtij viti në lidhje me këtë çështje u vendosën në arrest me burg ish-Ministri i Mjedisit Lefter Koka dhe ish sekretari i Përgjithshëm i kësaj ministrie, deputeti socialist Alqi Bllako. Në këtë skemë, numri i personave të dyshuar ka shkuar në 20, ndërsa SPAK vijon hetimet edhe për të tjerë.
Discussion about this post