Makina e biznesmenit të hidrokarbureve Ndue Pjetrushi në Lezhë është djegur gjatë natës. Ndërkohë, ai ka folur për mediat në lidhje me ngjarjen, duke thënë se nuk ka konflikte me asnjë person.
Pjetrushi kërkon nga policia dhe grupi hetimor që të zbardhin zjarrvënien, duke mos e përjashtuar dhe një veprim të qëllimshëm. Por sipas tij, ky pretendim duhet konfirmuar nga organet kompetente.
Lexo edhe: Digjet makina në Lezhë, ja kujt biznesmeni i përket
“Kam dëgjuar një shpërthim dhe kam parë makinën duke u djegur. Nuk kam asnjë konflikt me asnjë, të gjithë që më njohin e dinë se nuk jam i problemeve. Bëj transport hidrokarbureve Shqipëri-Kosovë. Shteti bën punën e vet. Mund të jetë edhe zjarrvënie e qëllimtë, por mund të këtë marrë zjarr edhe vetë. Atë mund ta nxjerrin vetë hetimet unë nuk jam specialist”, tha ai.
Makina tip “Benz” në pronësi të biznesmenit ishte e parkuar anës rrugës, ndërsa ngjarja është shënuar në orën 04:00 të mëngjesit.
Discussion about this post