Presidenti i Republikës Ilir Meta i ka shprehur ngushëllimet e tij popullit izraelit pas tragjedisë që ndodhi në festivalin Lag B’Omer në Mount Meron.
“Trishtim dhe hidhërim i madh për tragjedinë e rëndë, që ndodhi gjatë festivalit Lag B’Omer në Mount Meron, në Izrael. Ngushëllimet më të ndjera për familjet dhe të afërmit e viktimave. Bashkë me lutjet tona i gjendemi pranë popullit mik izraelit dhe urojmë shërim të shpejtë dhe të plotë të të plagosurve.”
Kujtojmë se të paktën 45 persona humbën jetën të shtypur nga turma në një festival hebre kurse rreth 150 të tjerë mbetën të plagosur.
