25 të infektuar me Covid, 195 raste aktive

25 raste te reja nga 526 testime janë shënuar në 24 orët e fundit në vend nga 526 testime, bën me dije Ministria e Shëndetësisë.

Nuk raportohet për humbje jete.

Rastet e reja janë identifikuar në këto bashki: 19 Tiranë, nga 1 qytetarë në Shkodër, Fier, Lushnje, Divjakë, Gjirokastër, Kuçovë.

Janë 195 qytetarë aktivë me Covid 19 në të gjithë vendin.

Aktualisht në spitalin COVID 3 po marrin trajtim 3 pacientë.

Janë shëruar 16 qytetarë gjatë 24 orëve të fundit, duke e çuar numrin e të shëruarve në 328,379 që nga fillimi i pandemisë.

332,168 janë prekur me Covid në vend sipas MSH-së, prej të cilëve 3,594 kanë humbur jetën.