Kreu i Partisë së Lirisë, Ilir Meta ka shkuar në selinë e PD mëngjesin e sotëm, ku është takuar me kryedemokratin Sali Berisha. Takimi ka zgjatur rreth 30 minuta, teksa në dalje, kreu i PL nuk është prononcuar, por ka falënderuar mediat.
I pyetur nga gazetarët nëse Partia e Lirisë do të marrë pjesë në protestën e 6 dhjetorit, Meta dha një koment të shkurtër: “Gjithmonë në proteste kemi qenë”.
Lexo edhe: Përmbytjet/ Berisha: Rama e Balluku hapën tunelin e Komanit
Takimi ka zgjatur rreth 30 minuta, ndërsa në fokus përveç aksionit opozitar janë edhe zgjedhjet e 14 majit. Partia Demokratike aktualisht është duke zhvilluar procesin e primareve për te zgjedhur kandidatet për kryetar bashkie, proces i cili mbështetet edhe nga Partia e Lirisë.
Kujtojmë që në datën 6 dhjetor, ditën kur në Tiranë do të vijnë liderët evropiane për të mbajtur samitin BE-Ballkani Perëndimor, opozita ka njoftuar një protestë.
Sipas Berishës, protesta nuk zhvillohet kundër BE, por kundër qeverisjes së Edi Ramës. Berisha ka deklaruar se protesta do të jetë për ti treguar Evropës se kjo qeveri është e korruptuar.
Discussion about this post