Porti i Durrësit, Berisha: Ahmetaj e refuzoi, e firmosi vetë Rama

Kryetari i PD, Sali Berisha ka denoncuar marrëveshjen e qeverisë shqiptare për Portin e Durrësit, ndërsa tha se ajo mban firmën e vetë kryeministrit Edi Rama, pasi ministri Arben Ahmetaj ka refuzuar ta nënshkruajë.

Ndër të tjera, Berisha ka akuzuar kryeministrin se po fsheh aksionerët e një afere që shkon të paktën 4 4 miliardë euro dhe se KE nuk e ka pezulluar, por e ka anuluar grantin për portin e Durrësit. Sipas ish kryeministrit, Rama ndan 60% të aksioneve për Portin me vëllanë Olsi Rama dhe “klanin” e tij.

Lexo edhe: Protesta në ditën e samitit, Berisha merr vendimin: Do të…

“Si rrallë në historinë e tij Kuvendi vijoi punimet deri në 3 e 15 të natës. Për një parlament serioz kjo nuk ndodh, ajo që ndodhi mbrëmë në Parlament, ata që e ndoqën konstatuan më shumë se çdo gjë tjetër, solidaritetin në krim të pseudomazhorancës socialiste.

Solidariteti në një krim të paprecedentë që kryhet duke noterizuar me votën e tyre në papërgjegjësi absolute grabitjen e portit të Durrësit nga Rama dhe klani i tij. Në detyrimin e politikës të bëjë transparent këtë zhvillim dramatik.

Dy vite më parë Rama u deklaroi shqiptarëve se porti i Durrësit, do shndërrohet në marinën më të madhe në Mesdhe e porti i ri do ndërtohet në Porto Romano po nga kompania Emaar, që do ndërtonte marinën dhe portin e ri të Durrësit.

Për ti rënë shkurt, sot dihet që një pjesë të këtyre aksioneve i ka mbajtur Alabbar, një miliarder arab, por 60% të tyre nuk dihet kush. Rama nuk thotë emrat se është vetë me vëllaun e tij e klientelën e tij.

A mundet një kryeministër të fshehë aksionerët e një aferë që shkon të paktën 4 miliardë euro? Kurrë! Këta aksionerë i kanë financat of shore, janë të Ramës e Olsi Ramës në radhë të parë pastaj të enturazhit të tyre të përzgjedhur.

Pas firmosjes së një marrëveshje bashkëpunimi me Emiratet e Bashkuara Arabe, që nuk firmoset kurrë nga kryeministri, por kjo marrëveshje ka direkt firmën e Ramës. Ndoshta Arben Ahmeti nuk ka pranuar të firmosë, nuk e di. Marrëveshja shkel në mënyrë flagrante kushtetutën, marrëveshjen e stabilizim asoocimit të Shqipërisë me 30 e ca vende të BE”, tha Berisha.