Në një prononcim për mediat jashtë Kuvendit, kryetari i Partisë Demokratike Sali Berisha uroi 110-vjetorin e Pavarësisë së Shqipërisë. Ai sulmoi kreun aktual të qeverisë Edi Rama duke thënë se është anti-shqiptar i rrezikshëm për kombin, dhe avokat i presidentit serb Aleksandar Vuçiç.
“Ju uroj shqiptarëve gëzuar përvjetorin e pavarësisë, përulem me nderim para Ismail Qemalit, Ibrahim Rugovës dhe burrave që bënë sot të jemi të pavarur. Asnjë komb nuk ka sakrifikuar për liri më shumë se ne shqiptarët. Nën udhëheqësit e komandantit Adem Jashari shqiptarët bënë luftën e fundit në Europë.
Sot nuk mund të mos ndalem se aktualisht në platformën tij Parlamenti, po flet një nga 2 armiqtë kryesor të Kosovës, njeriu i cili është tashmë i njohur botërisht si avokati më i shpifur i padronit të tij Aleksandër Vuçiç. Njeriu i cili në vend të bëjë avokatinë e Kosovës, kalon nga samiti nga samit duke lobuar për Vuçiçin dhe Rusinë e vogël në zemër të Ballkanit.
Në mënyrë të përsëritur ka futur thika pas shpine për Kosovës. Anti shqiptar i rrezikshëm për kombin. Rama nuk është vetëm vasal i neveritshëm i serbomadhit Vuçiç, njeriu që po shkatërron materien, qenien identitetin e shqiptarëve me politikat e tij”, tha Berisha.
Discussion about this post