Gjermania barazon me Spanjën 1-1 dhe rikthen mundësinë e kualifikimit.
Ishte Spanja ajo që donimoni në tërësi lojën dhe kaloi në avantazh e para në pjesën e dytë.
Gjermanët u përgjigjën megjithatë duke barazuar, për të kërkuar kualifikimin në ndeshjen e tretë përballë Kosta Rikës dhe shpresuar për një fitore të Spanjës përballë Japonisë.
Golat
Ishte Alvaro Morata që ndëshkoi Gjermaninë në minutën e 73-të. Pas një zbritjeje të Spanjës, Jordi Alba shërben në zonë për sulmuesin e Atleticos së Madridit, i cili koordinohet mirë dhe dërgon topin pas shpinës së Neuer.
Në minutën e 83’, Fulkrug rikthen baraspeshën.
Pas një sulmi të shpejtë të skuadrës së Flick, Fulkrug gjendet i vetëm përballë Unai Simon dhe lëshon një goditje perfekte, duke dërguat topin në rrjetë.
Me këtë barazim Gjermania merr pikën e parë pas humbjes me Japoninë në ndeshjen hapëse. Kualifikimi do të vendoset për gjermanët në takimin e fundit, të cilët duhet të mundin Kosta Rikën.
Nga ana tjetër, duhet të shpresojnë për një rezultat negativ të Japonisë, që luan me Spanjën në ndeshjen e fundit të grupit E.
Discussion about this post