Gruaja e vrarë në Prishtinë kishte urdhër mbrojtje

Gruaja që u vra sonte në oborrin e QKUK-së ishte nën trajtim të autoriteteve pasi në këtë rast ishte lëshuar një urdhër për mbrojtje.

Kallxo shkruan se viktima ka qenë në trajtim nga Zyra për Mbrojtjen e Viktimave në rajonin e Ferizajt.

Urdhri mbrojtës ka qenë në fuqi në momentin e vrasjes së viktimës.

Urdhri për mbrojtje është urdhër që lëshohet nga gjykata. Pra, gjykata parasheh masa mbrojtëse për viktimën. Ndër të tjera, urdhri ia ndalon të dyshuarit t’i afrohet viktimës.