Një person ka humbur jetën këtë të Enjte në Lushnje. Viktima P.K., 45 vjeç, sipas policisë, dyshohet se ka pësuar arrest kardiak teksa ishte nën drejtimin e një motori. Ai është rrëzuar dhe ka humbur jetën.
“Rreth orës 16:25, në lagjen ‘Kadri Qystri’ Lushnjë, shtetasi P. K., 45 vjeç, duke drejtuar një motomjet, ka humbur ekuilibrin mbi motomjetin dhe për pasojë është rrëzuar dhe ka ndërruar jetë. Paraprakisht dyshohet se shtetasi P.K. ka humbur ekulibrin mbi drejtimin e motomjetit për shkak të një arresti kardiak”, njoftoi policia.
Pritet akti i ekspertit mjeko-ligjor për përcaktimin e shkaqeve të humbjes së jetës, ndërsa grupi hetimor po punon për zbardhjen e rrethanave të aksidentit, shtuan të njëjtat burime.
Discussion about this post