Kryetari i PD, Sali Berisha ka komentuar sulmin ndaj “Prestige Resort” nga qeveria dhe IKMT, teksa ka theksuar se ky është një sulm ndaj mediave që kryeministri Edi Rama po bën ndaj fjalës së lirë.
Berisha tha se kjo është media e tretë që sipas tij Rama po asgjëson në gjashtë muaj, ndërsa hodhi akuza të forta se kryeministri po tenton ta kthejë median e njohur ABC në altoparlant të tij.
“Kjo është media e tretë që Edi Rama po e asgjëson. Asgjësoi TV Orën, e konfiskoi. Ka çuar aty, një nga figurat më të zeza të historisë së këtij vendi, Arapin e Zi, Farudinin e Zi. Dhe dikton çdo gjë. Pa asnjë bazë, pa asnjë fakt. Pavarësisht se ekspertët faktojnë se të gjitha shpenzimet janë të mbuluara nga burime të qarta, ky thotë të kundërtën. Një media tjetër, e detyroi të shitet aty ku deshi. Por unë i bëj thirrje atij pronari, dhe u bëj thirrje pronarëve të ABC që të ruajnë integritetin e medias së tyre, sikundër i bëj thirrje pronarit, që nëse do e shndërrosh në altoparlant të Endri Fugës dhe Edi Ramës, do përballesh me pasoja shumë serioze. Në një kohë gjashtëmujore ai vendos nën terror tre media, që informonin dhe përbënin rrjete anticensurë. Nuk them se kanë pasur politika editoriale në favorin tonë, por censurën nuk e pranojnë. Dhe këto ishin një garanci për antucensurë. Këto dhe jo mediat kombëtare ishin garanci për anticensurë. Siç janë portalet një garanci për anticensurë. Fjala e lirë po pëson ditët më të zeza që nga koha e diktaturës. Unë nuk them se ato kanë pasur politika editoriale në favor tonin, ato ishin një garanci për anticensurë. Këto e jo rrjetet kombëtare ishin garanci për anticensurë. Fjala e lirë po përjeton këtu ditët më të zeza që në kohët e diktaturës”, tha Berisha.
Lexo edhe: “Flasin me gjuhë komunistësh”, Berisha akuza të forta qeverisë
Discussion about this post