Rama me sa duket po kërkon të rregullojë mardhëniet me ish-deputetin Socialist Sadri Abazi. Dhe për këtë po përdor si karrem tenderat dhe nipin e këtij të fundit, Arbër Abazi. Gijotin.com ka denoncuar disa tenderë që Arbër Abazi ka marrë nga bashkitë pa garë. Dhurata më e fundit erdhi nga kryetari i Lezhës Pjerin Ndreu. Ditën e sotme ai ka mbyllur një tender për “Ndertimi i infrastruktures rrugore ne plazhin e Tales, njësia administrative Shënkoll”. Tashmë që Lezha ka nevojë për investime që të parandalojë përmbytjet, Ndreu merret me arnime rrugicash. 800 milionë lekë do të shpenzohen për këtë rrugicë, që më tepër do të prezantohet si investim fasadë gjatë fushatës zgjedhore.
Tenderi është listuar në prokurimet me “Flamur të Kuq” pasi është hartuar dhe nënshkruar kontrata në shkelje të ligjit. Në 8 kompani që kanë shfaqur interes dhe kanë paraqitur oferta më ekonomike, Ndreu ka lënë në garë vetëm bashkimin e operatorëve “ARKONSTUDIO” SH.P.K, & “ALKO-IMPEX General Construcion” SH.P.K”. Duke iu dhënë trofeun pa u lodhur fare edhe pse kishin një nga ofertat më të shtrenjta. Sepse dokumentet tregojnë që të gjitha kompanitë e tjerë kanë pranuar që ky shërbim mund të bëhet edhe me rreth 600 milionë kekë, pra 200 milionë lekë si fituesi. Para të cilat mund të ishin përdorur për një tjetër investim. Por, si duket Ndreu e kishtë paracaktuar për kopanitë që u shpallën fituese. Kështu u shtua një tjetër tender pa garë i zhvilluar nga Ndreu,i cili me sa duket nuk I di fare rregullat për prokurimet.
Lekët për Sadriun
Në fakt ky tender duket se është bërë vetëm për Sadri Abazin, ish-deputetin Socialist. Pasi ky i fundit pa pasur një përplasje me qeverinë, për punë tenderësh. E tani Rama po kërkon të rregullojë muhabetin se jemi dhe në prag zgjedhjesh. Kujtojmë se, në gusht të këtij viti Sadri Abazi i ka dërguar një letër Kryeministrit Rama ku “ankohej” për tenderët abuziv të ARRSH-së. Me pak fjalë, po i nxirrte të palarat qeverisë, pasi diku e kishin prekur në kallo. Me urdhër të Ramës institucionet po reagojnë direkt që të mbajnë “në kontroll” Abazin.
Për t’i mbyllur gojën ujkut të vjetër të PS-së, i kanë dhënë tender nipit të tij nga një bashki e vogël, por me vlerë të madhe. Kompania “Alko Impex” me pronar Arbër Abazin, djalin e vëllait të deputetit Sadri Abazi ishte thuajse e panjohur deri në vitin 2014, kur dhe nisi të ishte fituese në tenderët e bashkive të drejtuara nga socialistët edhe pse në fakt rezulton e regjistruar që në vitin 2011. ALKO-IMPEX, kompania në pronësi të nipit të deputetit të Sadri Abazit, vitin e kaluar kishte rezultuar se ka dalë fituese në 17 nga 19 tenderët ku ka garuar. Në fakt janë hedhur dyshime të forta se në të vërtet pas kësaj kompanie qëndron vetë Sadri Abazi.
Discussion about this post