Kancelari i Gjermanisë Olaf Scholz në një konferencë për mediat pas samitit BE-Ballkani Perëndimor në Tiranë tha se BE nuk bie dakord me Serbinë sa i përket sanksioneve nda Rusisë lidhur me luftën në Ukrainë.
Scholz konfirmoi se kishte folur me presidentin serb Aleksandër Vuçiç lidhur me këtë çështje, nga i cili mesa duket kishte marrë të njëjtin qëndrim.
“Është e qartë që ne kemi pritshmëri ka nga çdokush që dëshiron të na bashkohet. Unë fola edhe për politikat e vizave, ka pasur ndryshime dhe mendoj se do të ketë ndryshime të tjera në të ardhmen. Ne nuk biem dakord për sa i përket çështjes së sanksioneve, kjo nuk është diçka e re. Por, mosmarrëveshjet vazhdojnë ende”, iu përgjigj Scholz interesit të mediave.
Discussion about this post