Luçiano Spaleti u prezantua ditën e sotme si trajner i ri i Napolit duke filluar një epokë të re tek skuadra italiane.
Afrimi i Spaletit shihet si goditje nga skuadra napoletane pasi cilësitë e mëdha si trajner dhe eksperienca e tij janë mjaft të domosdoshme për vazhdimësinë e ekipit.
Spaleti u ndal të fliste për disa nga temat më të nxehta të skuadrës si Insinje, merkato, objektivat dhe VAR-i.
Rruga drejt triumfit: ‘’Nuk ka rrugë tjetër përveç rezultateve. Atë që ju u jepni tifozëve të Napolit, ata ua kthejnë mbrapsht. Më pëlqen parulla ‘Do të jem me ty’, sepse është një britmë e përkatësisë që nuk duhet të mungojë kurrë në ekipe. Por kjo është një dorë që qyteti shtrihet drejt jush dhe që ne do të duhet ta mbajmë fort. Ne duhet të tregojmë se meritojmë të veshim këtë fanellë, është skuadra e qytetit’’.
Insinje: ‘’Do të ishte më të flisni më parë me të. Unë fola me Insinjen në telefon dhe i bëra komplimente për golin me ekipin kombëtar dhe i thashë se do të doja të ishte pjesë e skuadrës në vazhdim. Pastaj ka situata të tjera që ne do t’i analizojmë kur të kthehet, Insinje e ka treguar veten e tij si futbollist’’.
Merkato: ‘’Ne duhet të jemi gati, ka njerëz të ngarkuar për atë punë. Kam biseduar me presidentin disa herë pasi kam nënshkruar kontratën. Për momentin nuk mund të flas më shumë. Duhet të punojmë seriozisht’’.
Emerson: ‘’Pyetje që nuk mund t’i përgjigjem, por kam folur me të’’.
Formacioni: ‘’Në futboll duhet të jesh i zoti të bësh gjithçka. 4-2-3-1 është baza, atëherë janë lojtarët ata që bëjnë diferencën’’.
VAR-i: ‘’Rregullon shumë situata, është perfekt’’.
