Dosja e kryebashkiakut Fatos Tushe është në fokusin e debatit publik për shkak të indicieve se të përfshirë janë edhe të tjerë emra të njohur dhe politikanë të rëndësishëm. Një gazetar i njohur në Tiranë dhe një politikan me një inicial “B”, janë pjesë e dosjes, ndërkohë që një tjetër fragment zbulohet sot. Nga dosja e SPAK, ku B-ja flitet për një tjetër bisedë, që është zhvilluar më 28 shtator 2020, në fokus është mbyllja e problemeve që mund të hapeshin nga tenderi i kanalit vaditës. Biseda është zhvilluar mes drejtorit të Ndërmarrjes së Pasurive Publike, Flamur Peqini dhe biznesmenit Ibrahim Lamit në lidhje me ankimimin e paraqitur nga firma “Avduli’ për tenderin e kanalit. Lami siguron Peqinin se politikani i parlamentit nuk e lë këtë punë.
Biseda e zbardhur:
Flamur Peqini: Ja çuam përgjigjen që të premten, unë tani, ja qëndisa, ja çova, shohim çfarë do të bëjë ai. Po kush e di tani, ça të them unë.
Ibrahim Lami: Tashi ku ka të drejtë të ankohet ai…A ju vë në dijeni juve ai?
Flamur Peqini: Ankohet aty tani te APP dhe normal na vë në dijeni edhe neve, ai na nis një shkresë dhe ne ai, si rregull nuk bie dakord me përgjigjen ai dhe bën një ankesë te APP
Ibrahim Lami: E marr vesh, e marr vesh. Po si ky ka burrë i poshtër qenka?
Flamur Peqini: Më të poshtër nuk ke ku të gjesh, por hajt ne e bëmë atë që duhet bërë.
Ibrahim Lami: A e di ti, çfarë halli kam unë, se dikush aty nga brenda ja ka çuar informacion atij.
Flamur Peqini: Jo nga aty jo, por nga ata lart po.
Ibrahim Lami: Nuk e di se një ja ka çuar. Këtë mbaje për vete se ma tha kryetari mua. Do ta gjejë tha, do ti q* nënën, tha.
Flamur Peqini: E di unë e di. Kam edhe një aludim aty lart, ai që ke folur gjithmonë, ai juristi, jo ky, flas për juristin, jo ky se nuk arrin deri në atë fazë ky.
Ibrahim Lami: Se di jo, mirë është të dali se ai këtu le të hajë veten me dhëmbë se nuk e le, “B…..” këtë herë këtë punë.
