Politikania serbe në Kosovë, Rada Trajkoviç njihet për kundërshtinë e saj ndaj pushtetit në Serbi dhe Listës Serbe në Kosovë. Ajo është shprehur se siguria e saj dhe e familjes është në rrezik, duke bërë përgjegjës presidentin serb Aleksandër Vuçiç.
Trajkoviç thekson se jo vetëm ajo, por po kërcënohen edhe fëmijët e saj.
“Një tjetër njoftim për publikun: që nga dje kanë ardhur kërcënime jo vetëm për mua, por edhe për fëmijët e mi”, ka shkruar Trajkoviç.
Ajo thotë se është identifikuar vendndodhja e kërcënuesve të saj dhe familjes së saj.
Për këto kërcënime ajo përgjegjësinë ia lë presidentin serb.
“Le të shkruhet këtu: përgjegjësia e plotë për sigurinë e familjes sime dhe të vetes është e Presidentit të Serbisë”, thotë Trajkoviç.
Pushteti në Serbi vazhdimisht e akuzon Trajkoviçin për bashkëpunim me Qeverinë e Kosovës.
Discussion about this post