Ekstradohet nga Spanja drejt Shqipërisë, Enkel Kërtalli. 37-vjeçari ishte i shpallur në kërkim ndërkombëtar për vrasje të mbetur në tentativë dhe armëmbajtje pa leje.
Kertalli u arrestua në qytetin e Valenicas në mars të këtij viti. Ai akuzohet se në vitin 2017 ka tentuar të vrasë në një atentat Dashamir Gjokën. Ndaj makinës së Gjokës u qëllua me breshëri plumbash në vendin e quajtur “Komuna Xhafzotaj”, por automjeti i ishte i blinduar duke bërë që asnjë plumb të mos depërtonte brenda.
Ai kishte 5 vite në arrati ndërsa i përfshirë në ngjarje rezultonte edhe vëllai i tij Morel Kertalli 41 vjeç.
Për të dy vëllezërit, Gjykata e Rrethit Gjyqësor Durrës ka caktuar masën e sigurisë “Arrest në burg”, për veprat penale “Vrasje me dashje e kryer në bashkëpunim”, e mbetur në tentativë dhe “Prodhim e mbajtje pa leje të armëve e municioneve luftarake”.
Discussion about this post