Ndryshime e surpriza në Argjentinë – Kroaci, formacionet zyrtare

Argjentina dhe Kroacia luajnë sot në 20:00 për gjysmëfinalet e Kupës së Botës.

Në “Lusail Iconic Stadium” në qytetin e Lusail në Katar, dy skuadrat përsërisin ndeshjen e katër viteve më parë në Botërorin e Rusisë, aty ku Kroacia fitoi 3-0 me Argjentinën.

Përballja e sotme do tregojë se cili ekip do shkojë në finalen e datës 18 dhjetor, teksa në baste Argjentina është më e favorizuar.

Për të mbrojtur “Pleshtin” nga agresiviteti i mesfushës kroate, Skaloni ka vendosur të aktivizojë nga minuta e parë dyshen Paredes-De Pol, duke shtuar më shumë forcë përballë emrave si Brozoviç e Kovaçiç të cilët do të përpiqen të ndalin me çdo kusht vrullin e yllit argjentinas.