Policia ka shpallur në kërkim një 33-vjeçar në Sarandë. Dyshohet se ai ka goditur rojen e spitalit pas një konflikti të ndodhur mëngjesin e sotëm. Mësohet se 38-vjeçari i cili ka marrë goditje në kokë ndodhet në spital dhe është në gjendje të rëndë.
Sherri mes tyre ka nisur për parkimin dhe më pas ka degraduar në përdorimin e dhunës.
“Specialistët për Hetimin e Krimeve të Komisariatit të Policisë Sarandë shpallën në kërkim shtetasin E. C., 33 vjeç, banues në Sarandë, pasi dyshohet se mëngjesin e sotëm, pas një konflikti të çastit, për motive të dobëta, ka goditur me sende të forta shtetasin F. M., 38 vjeç, roje i spitalit të Sarandës, i cili ndodhet në spital, nën kujdesin e mjekëve”, thuhet në njoftimin e policisë.
Discussion about this post