Lidhja e fortë mes Ramës dhe Kastratit tashmë nuk diskutohet më nga asnjë qytetar, megjithëse ajo i ka shtrirë tentakulat deri në vetëmohim për hir të pushtetit. Kjo vjen pikërisht nga sakrifica që Kastrati po bën për Ramën pas opinionit negativ të krijuar ndaj kryeministrit pas prishjes së Prestige Resort.
Ky sulm u cilësua si nga faktori vendas, ashtu dhe ndërkombëtar si sulm ndaj medias së Irfan Hysenbelliut. Me qëllim që Rama të lahet nga kjo histori, duke u hequr sikur ishte vetëm një aksion ndaj ndërtimeve pa leje dhe jo sulm ndaj mediash, ka kërkuar ndihmën e sponsorit të tij, Shefqet Kastrati.
Ai i ka kërkuar biznesmenit që t’i prishë pishinën e Hotel Kastrati Empire, e cila ndodhet shumë pranë Prestige Resort. Madje, aty ka qenë para se të niste sulmi ndaj Hysenbelliut. Dhe siç duket për hir të tenderave dhe shpërblimeve që do të marrë, Kastrati ka pranuar sakrificën.
E pikërisht pas kësaj marrëveshje të tyre, Inspektorati Kombëtar i Mbrojtjes së Territorit ka nisur prishjen e një pishine dhe ndërtimeve të tjera shoqëruese pranë detit në Golem, që i përkasin Hotel Kastrati Empire.
E si për çudi lajmin e aksionit e japin pikërisht televizionet e influencuara nga Kastrati, ABC Neës dhe Report Tv. Siç flitet në qarqet gazetareske, ABC Neës është blerë nga Kastrati, i cili në krye të saj ka vënë Sokol Ballën, ndërsa Report TV është televizioni i familjes, ku prapë Sokol Balla ka emisionin e tij Real Story.
Por ajo që kuptohet qartë është fakti se veç një tallje e Ramës me qytetarët e tij, kjo është një tentativë e tij për të mashtruar opinionin ndërkombëtar, se ai nuk po sulmon mediat, por ndërtimet pa leje. Megjithatë, Çet Kastrati duket se është mësuar të sakrifikojë për Ramën, pasi siç tregojnë shifrat nga thesari i shtetit, ai do ia dhjetëfishojë sërish humbjet.
Gijotina.com
Discussion about this post