Një ditë para zgjedhjes procesit zyrtar të zgjedhjes së kreut të ri të SPAK nga KLP, duket se kryeministri Edi Rama i ka “mbyllur punët” për të vendosur në krye të institucionit të preferuarin e tij.
Tre janë kandidatët për të marrë drejtimin e Prokurorisë së Posaçme: Adnand Xholi – i cili më herët ka qenë drejtues i prokurorisë së krimeve të Rënda; Altin Dumani – i cili qenë zv.titullar i kësaj prokurorie dhe drejtues i Task Forcës anti-korrupsion; si dhe Edvin Kondili – aktualisht zv.drejtues i SPAK.
Ditë para zgjedhjes së drejtuesit të prokurorisë më të rëndësishme të vendit, ka pasur një përplasje mes kryeministrit Edi Rama dhe ambasadores amerikane Yuri Kim.
Deklarata e kundërdeklarata që lanë të kuptohej se Rama dhe Kim, që për shumë kohë kanë ecur krah njeri-tjetrit në qëndrimet publike, janë përplasur kanë përplasje për emrin që do të drejtojë Prokurorinë e Posaçme.
Rama, siç është raportuar në media, do të vendosë në krye të SPAK të preferuarin e tij – Edvin Kondili. Ambasadorja nga ana tjetër thuhet se ka lobuar fuqimisht që këtë post ta marrë Altin Dumani.
Megjithatë, duket se Rama ka arritur të fitojë betejën. “Gijotina.com” mëson ekskluzivisht se kryeministri Edi Rama ka kërkuar takim me të tre kandidatët. Mësohet po ashtu, se një prej tyre, Altin Dumani, ka refuzuar ftesën e kreut të qeverisë.
Megjithatë, burime pranë kryeministrisë konfirmojnë se Rama i “ka rregulluar punët” në mënyrë që Kondili të zgjidhet në krye të Prokurorisë së Posaçme kundër Korrupsionit dhe Krimit të Organizuar.
Zyrtarizmi, megjithatë, pritet ditën e Premte.
Discussion about this post