Video të gangsterëve shqiptarë duke festuar brenda qelive angleze janë publikuar në Tik Tok. Në disa prej pamjeve është Edison Kaculi, 28 vjeç, i cili bën simbolin e armës me duar, ndërsa kërcejnë muzikë rep në qeli.
Kaculi, i cili mendohet se ka hyrë ilegalisht në Mbretërinë e Bashkuar tre vite më parë, u dënua në korrik pasi u përfshi në një sherr për drogën me persona të tjerë.
Nuk është e qartë se në cilin burg në Mbretërinë e Bashkuar janë filmuar pamjet. Foto të tjera tregojnë një grup prej katër djemsh të ulur në një qeli ndërsa bëjnë gjeste fyese me duar.
Videot u hoqën më vonë pasi MailOnline kontaktoi me Ministrinë e Drejtësisë dhe u krye një kontroll në burg. Por përpara se të hiqeshin, më shumë se 13,000 njerëz panë klipet që tallnin shërbimin e burgut.
Sipas statistikave të fundit të Home Office, aktualisht janë më shumë se 1,330 shqiptarë që vuajnë dënimin në burgjet e Mbretërisë së Bashkuar.
Gjykata e Maidstone Crown tha se Kaculi i shkaktoi pesë plagë me thikë në këmbë një personi, ndërsa ai kishte humbur disa dhëmbë.
Telefonat celularë janë sendi më i kontrabanduar në burgjet e Mbretërisë së Bashkuar dhe sillen nga vizitorë ose oficerë të korruptuar, ndërsa thuhet se 20,000 janë sekuestruar vetëm në vitin 2017.
Discussion about this post