Pasi vulosi një ditë më parë dështimine reformës zgjedhore bashkëkryetari i komisionit të posaçëm për këtë çështje dhe njeriu që mban vulën e Partisë Demokrate, Enkelejd Alibeaj ka vijuar fushatën elektorale në Mirditë. Ai tha se do të dalë këshilltarë dhe kandidatë për kryebashkiakë në të gjitha bashkitë e vendit.
“Synimi i takimit është riorganizimi dhe plotësimi i strukturave të PD-së. Po e bëj të qartë PD do të marrë pjesë në zgjedhje lokale në formacion të plotë”, tha Alibeaj.
Por Alibeaj nuk hezitoi të akuzonte grupin tjetër brenda llojit për situatën e bredshme teksa tha se demokratët duhet të refuzojnë kategorikisht aleancën me Partinë e Lirisë.
“Të marrësh demokratët dhe ti çojë ashtu tufë si dhuratë në një sigël tjetër, Partia e Lirisë nuk e pranoj dot. Nuk duhet ta pranojë asnjëri nga ne por ta refuzojë me neveri”, u shpreh ai.
Kryetari i degës së Partisë Demokratike në Mirditë Mark Ruçi ju referua Sali Berishës si përçarës të PD-së dhe nxitës së gjuhës së urrejtjes mes demokrateve.
Deri më tani grupimi Alibeaj është angazhuar të nxjerrë kandidatët e saj duke përzgjedhur kandidatë në 8 bashki të vendit.
Kandidatët e Grupit të Alibeajt
Mallakastër- Agron Kapllanaj
Poliçan – Florian Qamo
Kuçovë – Ilirjan Koxhaj
Kamëz – Bilbil Bajraktari
Lezhë – Sandër Marku
Krujë – Sabah Sheta
Dibër – Naim Gazidede
Kurbin- Genc Doçi
Discussion about this post