Vartësit e qeverisë Rama nuk mjaftohen nga rrogat e larta që marrin. Por rrëmbejnë edhe para nga fondet për qytetarët dhe bizneset. Një javë më parë Gijotina.com ka denoncuar se ekonomistja e ministres së Sipërmarrjes, Edona Bilali, kishte përfituar 5 milionë lekë nga fondet për start-upet. Kjo është një çmenduri dhe abuzim i hapur. Po pse askush nuk ka marrë masa? Bilali ua ka zënë gojën me lekë edhe njerëzve të oborrit të Ramës!
Këtë herë e kemi fjalën për “biznesmenin” Sokol Plaku. Nga dokumenti i mëposhtëm rezulton se Plaku ka marrë 3.3 milionë lekë nga fondet për “start up-et”. Përfitoi përmes kompanisë “A.L.S Consulting” të themeluar në vitin 2020.
Por, edhe Sokol Plaku nuk është një nga ata që po kërkon të rrisë ndërmarrjen e tij dhe i nevojitet mbështetje nga shtetit. Përkundrazi Plaku është i zënë me punë të tjera, për të cilat paguhet nga Qeveria “Rama”. Ai është një nga ata persona që bën sekuestrimin e pronave të paligjshme.
Konkretisht, Sokol Plaku është pjesë e Njësisë Speciale Anti-korrupsion dhe Anti-evazion në Kryeministri. Për shkak të detyrës, Plaku ka qenë pjesë e disa aksioneve blic në disa zyra kadastrale në vend për kontrollin e dosjeve të pronave. Duke pasur lidhje kaq të forta, zyrtari i lartë duket se po i shfrytëzon për të marrë para ku të mundet.
Pra, “kap ç’të kapësh!”, siç ka thënë dhe Kryeministri Rama.
Kështu, ministrja e Ramës ka marrë në konsideratë faktin që ai është pjesë e oborrit të pushtetit “Rama” dhe i ka akorduar 3.3 milionë lekë. Denoncime për Bilalin dhe Start up-et e saj janë bërë prej disa ditësh edhe nga shoqëria civile dhe ekspertë të ndryshëm. Por deri më sot, ende nuk ka asnjë reagim.
Nga të dhënat e siguruara tregohet se Objekti i shoqërisë se Plakut përfshinë ofrimin e shërbimeve te konsulencë në fushën: ligjore, financiare, turizmit. Por, deri më tani nuk rezulton të ketë asnjë licencë dhe certifikim. Po, me sa duket Bilali po i jep një dorë për rritjen e kapitalit. Që më vonë kjo kompani të bëhet pjesë e aferave për tenderët që japin ministret e Ramës.
Lexo edhe PD denoncon: Ministrja shpërndan lekët e shtetit me shoqërinë
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post