Futbolli anglez në zi, ndahet nga jeta ish-kampioni i botës

Futbolli anglez është në zi ditën e sotme për ndarjen nga jeta në moshën 83-vjeçare të ish-futbollistit të kombëtares, Xhorxh Kohen.

Vdekja e ish-futbollistit 83-vjeçar u njoftua nga Fulham, klub për të cilin ai luajti për një kohë të gjatë në karrierën e tij. Shkaqet e ndarjes nga jeta të ish-mbrojtësit nuk dihen ende, teksa priten përgjigjet e autopsisë.

Lidhur me lajmin për ndarja nga jeta të ish-kampionit ka reaguar  ish-klubi i tij Fulhemi dhe gjithashtu ‘Sir’ Xhof Hërst.

Klubi londinez shkruan: “Të gjithë në klubin e Fulhem janë të dëshpëruar për lajmin e hidhur që ka ndërruar jetë një nga lojtarët tanë më të mëdhenj në histori, Xhorxh Kohen”.

“Shumë i trishtuar të dëgjoj që miku im dhe shoku im i skuadrës te Anglia, Xhorxh Kohen ka vdekur. Që të gjithë pa përjashtim, kanë thënë gjithmonë që Xhorxhi ishte një njeri i dashur. Ai do të na mungojë shumë. Ngushëllimet e mija më të përzemërta shkojnë për bashkëshorten e Xhorxhit, Dafnen dhe familjen e tij”, u shpreh Hërst.

Kohen u aktivizua vetëm për Fulhamin në karrierën e tij, për plot 13 vite dhe gjithashtu për Anglinë nga viti 1964 deri në 1967.