Pas videove nga Homeland Justice ka ardhur një reagim nga Credins Bank. Përmes një njoftimi publik banka pranon se sistemi i saj është sulmuar nga hakerat iranianë. Dhe prej disa ditësh është bllokuar shërbimi për klientët. Si dhe të dhënat e sistemit nuk janë tashmë në duart e hakerave.
Në njoftim banka kërkon që klientët e saj të jenë të qetë, por nga ana tjetër nuk mohon se hakerat posedojnë të gjitha të dhënat e tyre prej gati një jave. Më tutje në njoftim thuhet se banka po punon me partnerë dhe ekspertë të huaj për të zgjidhur sa më parë këtë problem.
Prandaj, dhe i gjithë sistemi është izoluar. Ndërsa në njoftim nuk përcaktohet se kur shërbimet mund të kthehen në normalitet dhe çdo të bëhet me sigurinë e të dhënave për klientët që kanë një llogari në këtë bankë.
Kujtojmë se sulmi ndaj bankës ka filluar të hënën më 19 dhjetor 20202.
Kanë qenë të parët ekspertët e IT-së në vend të cilët kanë dhënë këtë lajm. Por, gjatë këtyre ditëve vetë Credin Bank ka tentuar ta fsheh këtë skandal. Kështu herë pas herë ka publikuar njoftime kur shprehej se kishin bllokuar sistemin për disa probleme teknike. Dhe dy ditë më parë njoftonin klientët e tyre se sistemi dhe çdo shërbim tjetër online apo fizik është i disponoheshëm. Në fakt nuk ishte ashtu. Prej një jave shërbimet nga kjo bankë janë të bllokuara.
Lexo edhe: Homeland Justice nuk ndalet, Banka Credins në duart e hakerave
Discussion about this post