Në Prishtinë është zhvilluar një protestë kundër Gjykatës Speciale pas dënimit me 26 vjet burgim për krime lufte të ish-komandantit të UÇK, Salih Mustafa.
Me sloganin “Jo në emrin tim”, protesta e së shtunës u organizua nga Partia Socialdemokrate (PSD).
Kreu i kësaj partie, Dardan Molliqaj ka bërë thirrje për unitet për ta kundërshtuar këtë gjykatë.
“Lufta për liri është shenja që ky është shteti jonë. Damkosja e kësaj lufte është sulm mbi Kosovën e pavarur. Edhe 23 vjet pas çlirimit, çlirimi po ka kosto”, theksoi ai, teksa e ka cilësuar absurd dënimin e Salih Mustafës.
Protestuesit kanë protestuar nga sheshi “Zahir Pajaziti” deri në hapësirën përballë Kuvendit dhe qeverisë së Kosovës.
Sali Mustafa u dënua për vrasje të paligjshme, ndalim arbitrar dhe torturë.
Discussion about this post