Policia e Lushnjes ka vënë në pranga 66-vjeçarin me iniciale A.C., pasi ka goditur me thikë 22-vjeçarin L.M kamarier në një fast food. Dyshohet se 66-vjeçari në momentin kur ka ndodhur ngjarja ka qenë në gjendje të dehur.
Sipas policisë, sherri ka ndodhur në lagjen “Xhevdet Nepravishta” në Lushnje brenda një fast food-i ku 66-vjeçari, në gjendje të dehur ka goditur me thikë kamarierin.
I riu është dërguar në spital, ndërsa i moshuari ka përfunduar në pranga.
Njoftimi:
Lushnjë – Goditi me thikë 22-vjeçarin, gjatë një konflikti të çastit, vihet në pranga autori.
Rreth orës 12:40, në ambientet e një fast food-i, në lagjen “Xhevdet Nepravishta”, dyshohet se gjatë një konflikti të çastit, për motive të dobëta, shtetasi A. C., 66 vjeç, në gjendje të dehur, ka goditur me mjet prerës (thikë), shtetasin L. M., 22 vjeç, kamarier në këtë fast food.
Menjëherë pas marrjes së njoftimit, shërbimet e Policisë kanë kapur dhe shoqëruar shtetasin A. C., në Komisariat.
Shtetasi L. M. po merr mjekim në spitalin e Lushnjës.
Po kryhen veprimet nga grupi hetimor, për zbardhjen e plotë të rrethanave të ngjarjes.
Discussion about this post