Arjol Xhepexhiu, shoferi i minibusit që përfundoi në greminë ditën e sotme në Gramsh është arrestuar nga policia. Urdhri i ndalimit i është komunikuar mbrëmjen e sotme në spital ku po merr trajtim për shkak të dëmtimeve që ka pësuar nga përplasja e fortë.
Si pasojë e aksidentit humbi jetën një person dhe u plagosën 9 të tjerë, tre prej të cilëve në gjendje kritike për jetën janë transportuar drejt spitalit të Traumës në Tiranë.
Shkak për aksidentin dyshohet të jetë bërë numri i madh i pasagjerëve. Në furgon kanë qenë 7 pasagjerë mbi numrin e lejuar të ulur në stola në mes të sediljeve.
