Kanë ndryshuar akuzat për Indrit Bajraktarin, djaloshin që u bë protagonist i ngjarjes së 19 gushtit 2020 në plazhin e Velipojës, ku mbeti e mbytur në ujërat e detit Adriatik, 17-vjeçarja nga Tirana, Enisa Doda.
Prokuroria e Shkodrës ka vendosur të mbyllë hetimet për këtë ngjarje të rëndë,duke marë të pandehur Indrit Bajraktarin për akuzën e “Vrasjes nga pakujdesia” dhe jo për veprën penale të “Vrasjes me dashje”, siç policia referoi fillimisht ngjarjen. Me akuzën e re, i pandehuri Indrit Bajraktari, rrezikon një dënim minimal që fillon me gjobë deri në 5 vite burgim.
