Eksperti i kriminalistikës Ervin Karamuço ka zbuluar të tjera detaje interesante nga hetimi i policisë për zbulimin e implikimit të Rozeta dhe Havier Dobit, nënë e bir, në vjedhjen e të paktën 120 mijë eurove, bizhuterive dhe sendeve të tjera me vlerë në banesën e këshilltares së kryeministrit Edi Rama, Alda Klosit.
Ai ka deklaruar se indicia për të kontrolluar për herë të dytë banesën ku jetonte pastruesja dhe djali i saj është marrë nga përgjimi që është bërë për të dy në ambientet e paraburgimit, pas arrestimit.
“Herën e dytë kqyrja e vendit të ngjarjes nën prezencën e të zotit të shtëpisë me kamera e filmuar e gjitha. Indicia ka qenë një togfjalësh “lart në shtëpi”, “te shtëpia lart”.
Në përgjimin ambiental në komisariat nënë e bir nuk kanë thënë togfjalëshin e parë por të dytë dhe kjo ka shtuar dyshimet që brenda shtëpisë çfarë ka në pjesët e sipërme për të gjetur shumat e parave që këta diskutonin që nuk janë prekur.
Kjo ka çuar me një vendim gjykate për ushtrimin e një tjetër kontrolli edhe më të plotë se herën e parë janë marrë me kasafortwn dhe sendet e tjera me vlerë e shumat që ka pasur”, tha ai në një intervistë për Top Channel.
Karamuço më tej ka deklaruar se Havier Dobi, ka qenë në përgjim e ndjekje me metoda speciale që pas denoncimit të bërë nga familja Klosi.
“Nga momenti i denoncimit janë vënë në ndjekje për të kuptuar ajko që mbante çelësin kopje a ishte vërtet autore, janë marrë gjurmët e gishtave, janë parë kamerat e sigurisë përreth shtëpisë së asaj që ka denoncuar.
Kanë bërë një ndjekje për disa ditë të djalit ët saj se djali ka pasur një aktivitet të shtuar dhe për paratë që shpenzonte deri në Brezovicë të Kosovës në resortet e tyre të skive, e po ashtu në Korçë e disa resortet e tjera në Shqipërinë e Mesme.
E po ashtu për shkak edhe të abuzimit me alkoolin gjatë festave të fundvitit ai ka pësuar dhe një aksident te Pallati me Shigjeta.
Madje kur i kanë vënë para të gjithë këto të dhëna ai është habitur që si ka mundësi të jetë mbajtur kaq shumë në survejim e të mos e ketë kuptuar”, u shpreh eksperti.
Discussion about this post