Sylvinho u prezantua sot në krye të kombëtares shqiptare duke nënshkruar një kontratë 18 mujore. Braziliani u përgjigj para gazetarëve duke premtuar se skuadra kuqezi do të jetë pjesë e EURO 2024. Në këtë ditë të veçantë, nuk munguan as fotografitë me brazilianin.
Një ndër ta që përfitoi të shkrepte një foto me Dukën dhe Sylvinhon, ishte edhe Gerti Çarçani. Moderatori i njohur, dikur pjesë e rëndësishme e Federatës Shqiptare të Futbollit ka marrë disa reagime nga ndjekësit. Madje njëri prej tyre i kërkon që të bëjë përkthyesin e trajnerit të ri falë aftësive që zotëron.
Por, me shumë konsideratë Çarçani ia kthen: “Të përshëndes. Për këtë është zyra e shtypit në FSHF. Unë e kam bërë në atë kohë kur isha drejtor i asaj zyre. Tani nuk më takon më mua. Me konsideratë, Gerti”. Kujtojmë që Çarçani ishte në krye të sektorit të Marrëdhënieve me Publikun në FSHF gjatë kohës që kuqezinjtë drejtoheshin nga Panucci.
Discussion about this post