Një mesazh dërguar në telefonin e Florind Jakut, vëllait binjak të Saimir Jakut, ish-drejtorit të OST-së dhe njëkohësisht ish-anëtarit të Këshillit Bashkiak si përfaqësues i PS-së, tregon një lidhje jashtëmartesore që kishte pasur ish-zyrtari. Emisioni “Në shënjestër” raporton se Jaku kishte një lidhje intime me mbesën e familjes Reçi dhe se kjo mund të jetë bërë shkak për vrasjen e ndodhur në vitin 2016. Kjo gjë është përmendur dhe në mesazhin e dërguar nga një person anonim, në celularin e Florind Jakut.
Pjesë nga dosja:
Mesazhe telefonike- Datë 12 Tetor 2018, ora 12:04
“Florind jam një dashamirës i yti. Dhe desha të të sqaroja për diçka që të konkludosh mendimet. Saimiri, mbesën e Reçve, e ka pasur të dashur për disa vite. Por duke e ditur se çfarë familje mafioze janë ata, e ka pasur gabim”.
Saimir Jaku u vra nga dy persona të maskuar, ndërkohë që Gjergj Prenga mbeti i plagosur lehtë. Në lokalin ku ndodhi ngjarja, në momentin kur dy personat kanë sulmuar me armë ka pasur dhe efektivë të komisariatit Rrëshen, i cili ndodhej vetëm 20 metra larg. Policët kanë parë personat që kanë qëlluar me armë, por askush nuk ka reaguar për të ndjekur apo ndaluar dy autorët e këtij krimi të rëndë, që tronditi qytetin e Rrëshenit. Gjatë vite me vonë, në korrik të vitit 2022 u arrestua Dorjan Keqi, 40-vjeç nga Kruja dhe sipas policisë dyshohet si vrasës me pagesë, i cili e ka kryer ekzekutimin e Jakut, në bashkëpunim me persona te tjerë. Ai u zbulua pasi u arrestua rastësisht i dehur në timon dhe gjurma e gishtit që u krahasua me atë të gjetur në një shkrepëse në vendin ku u dogj mjeti i autorëve të Jakut, ‘përputhi’ gjithçka dhe e çoi pas hekurave.
Discussion about this post