Tragjike në Kosovë, vdes 15-vjeçari

Një 15-vjeçar ka rënë nga një ndërtesë në rrugën “Luan Haradinaj” në Mitrovicë dhe si pasojë e plagëve të marra ka vdekur.

Lajmin për Express e ka konfirmuar Avni Zahiti, zëdhënës në policinë rajonale të Mitrovicës.

Ai tha se rasti është hapur në polici si “hetim i vdekjes”, teksa trupi i pajetë është dërguar për ekzaminim.

“Sot, rreth orës 13:00,  është raportuar se në rrugën ” Luan Haradinaj”, në Mitrovicë, nga një ndërtesë ka rënë viktima rreth 15 vjeç, ku si pasojë e lëndimeve viktima B.S., ka humbur jetën. Hetuesit policor me autorizim të prokurorit kanë nisur hetimet për zbardhjen e  rrethanave të rastit. Me urdhër prokurorit trupi i pa jetë dërgohet në IML për ekzaminim”, tha Zahiti për Express.