Kërkohej prej disa ditësh, gjendet i mbytur 60-vjeçari

Një ngjarje e rëndë ka ndodhur në Shkodër, ku një 60-vjeçar, i cili ishte denoncuar nga bashkëshortja si i zhdukur, është gjetur i vdekur tek Ura e Bunës.

Viktima është identifikuar si Ndoc Nika. Ai u denoncua para disa ditësh si i zhdukur nga gruaja e tij. S’dihen ende rrethanat e vdekjes së tij.

“Më datë 14.01.2023, në ujërat e lumit Buna, shërbimet polumbare të FNSH Shkodër kanë gjetur trupin e pajetë të një shtetasi, që dyshohet të jetë 58-vjeçari N. N., banues në lagjen “Ndoc Mazi”, Shkodër.

Për shtetasin N. N., më datë 08.01.2023, ka bërë kallëzim bashkëshortja e tij, për humbjen e kontakteve me të. Gjatë kontrollit nga familjarët janë gjetur në afërsi të urës së lumit Buna, karroca për invalidë që përdorte ky shtetas dhe aparati celular.

Vijojnë veprimet nga grupi hetimor, për zbardhjen e plotë të kësaj ngjarjeje”, thuhet në njoftimin e policisë.