Zgjedhjet presidenciale në Mal të Zi do të mbahen më 19 mars, ka vendosur kryetarja e Parlamentit, Danijela Gjuroviç.
Gjuroviç njoftoi se zgjedhjet i shpalli në përputhje me Ligjin për zgjedhjen e Presidentit.
Nëse asnjë nga kandidatët e mundshëm nuk merr më shumë se gjysmën e votave të votuesve në raundin e parë të zgjedhjeve, raundi i dytë do të mbahet pas 14 ditësh.
Siç u bë e ditur, çështja që u ngrit në publik për mbajtjen e njëkohshme të zgjedhjeve për deputetë në Kuvendin e Malit të Zi dhe zgjedhjet për President nuk varet nga kryetari i Kuvendit.
Sipas Kushtetutës së Malit të Zi, mandati i deputetëve zgjat katër vjet, që do të thotë se zgjedhjet e rregullta për deputetë në Parlamentin e Malit të Zi duhet të mbahen në vitin 2024.
Discussion about this post