Pavarësisht kërkesës së avokatëve për shkrirjen e dy dosjeve në një për inceneratorin e Elbasanit dhe të Fierit, Gjykata nuk pranoi ti shqyrtojë bashkë të dyja çështjet.
Për avokatin e Kokës Saimir Visha, dosja e inceneratorit të Elbasanit duhet të rikthehet për hetim dhe të pyetet ish-zëvendës kryeministri, Arben Ahmetaj.
“Ne kërkojmë që çështja të rikthehet në hetim për t’u pyetur Arben Ahmetaj. Sepse këtu po gjykohen viktimat. Se kuptoj sesi und gjykohet dy herë i njëjti fakt”, tha avokati Saimir Vishaj për mediat, pas vendimit të gjykatës.
Ai foli dhe për paratë e vjedhura në shtëpinë e ish-shefes së kabinetit të Ahmetajt.
“Edhe paratë e lënë për ruajtje nga shefja e kabinetit, se vjedhje s’është ajo, duhet të kalojnë në favor të shtetit dhe të kalojnë për pastrim produkti me këtë procedim penal”, u shpreh.
Disa prej përfaqësuesve ligjorë të të pandehurve thanë se çështja e inceneratorit të Fierit dhe Elbasanit janë të njëjta nga ana procedurale ndaj duhet të bashkohen.
Lefter Koka ndodhet në burg nën dy masa të njëjta sigurie – arrest me burg, për inceneratorin e Fierit dhe të Elbasanit.
Në pritje të përfundimit të hetimeve është dhe Alqi Bllako, ish deputet i PS, i cili së bashku me Kokën akuzohen për shpërdorim detyre dhe korrupsion.
Discussion about this post