Deputeti socialist Petro Koçi ka komentuar lidhur me zgjedhjet vendore dhe përzgjedhjen e për të cilën u shpreh se se bëhen sondazhe dhe në bazë të rëzultatit të vendimit, ai respektohet.
Koci tha se nuk mund të ketë konsensus 100% për zgjedhjen e kandidatëve, ndërsa theksoi se atij vetë i është besuar njësia nr.6 në Tiranë të cilën e konsideron një përgjegëjsi të shtuar.
“Pavarësisht vlerësimeve personale që kam për individë të caktuar, në momentin që struktura e ngarkuar zyrtarisht merr një vendim do respektoj atë vendim. Deri në momentin që ka diskutim ti do shfaqësh mendimin tënd, pastaj kur fillon fushata s’ka më vend.
Çdo anëtar i kësaj partie s’mund të pëlqej çdo individ që është në qeveri, sot nuk mund të gjesh persona që kanë konsensus 100%. Mua më kërkuan të isha në Tiranë sepse këtu kanë ndodhur disa transferime politike, shumë kolegë janë larguar sepse kanë marrë detyra në nivel qarku, dhe për shkak se Fieri e ka numrin e deputetëve në përgjithësi dhe presupozohet një betejë e lehtë krahasimisht me zonat e tjera dhe meqë këtu kishte mangësi dhe nuk mbushej njësia nr. 6 dhe meqë se kam qenë atje disa muaj para se të shkoja në Fier, atëherë më propozuan të isha aty. Për mua kjo është një përgjegjësi e shtuar”, tha Koçi në ‘MCN Live’.
I pyetur se si do shkojnë këto zgjedhje, Koci tha se si do shkojnë këto zgjedhje ndikon shumë ambienti politik në rastin e çdo bashkie më vete.
“Ndryshon situata nga një bashki në tjetrën, nëse të gjithë i bashkon njëlloj gjykimi pozitë opozitë, kur vjen puna te terreni sheh se cila forcë ka punuar, ka bërë punë, ka zhvilluar shërbimet, infrastrukturën dhe në këtë plan ne kemi avantazhe të jashtëzakonshme. Përveç avantazhit të përgjithshëm politik, dhe avantazhi në bashki punë janë bërë shumë. Performanca e bashkive tona është e pakrahasueshme me PD. Në Tiranë ne nuk gjejmë dot një shembull që PD të ketë lënë gjurmë, ndërsa Veliaj dhe Rama si kryebashkiakë shpesh janë kthyer në modele frymëzimi”, shtoi ai.
Ndërsa sa i përket aferës së inceneratorit të Tiranës dhe a mund të ketë ndikim kjo te Veliaj, Koci tha se opozita e ka administruar keq çështjen duke e personalizuar dhe se lsi e cila njohët për korrupsionin nuk e mbulon dot të shkuarën duke ndryshuar emrin.
“Ky nuk do të jetë një hall për asnjë, opozita e ka administruar keq si çështje këtë të inceneratorëve, më shumë është përpjekur ta personalizojë se sa ta ndjek si një problematikë. Më shumë opozita ka vepruar si një zëvendësuese e organeve të drejtësisë. Edhe kur ngre një akuzë varet shumë nga kush ngrihet. Nëse ka sot një parti në Shqipëri që është simbol i korrupsionit ajo është LSI edhe pse e ka ndryshuar emrin nuk e ndryshon dot të shkuarën e saj. Kështu që aty është abuzuar me atë projekt, por një akuzë e ngritur nga kampionët e korrupsionit nuk zë dot vend në publik”, u shpreh deputeti i PS.
Discussion about this post