Presidenti i Real Madrid, Florentino Perez është në një udhëkryq të vërtetë pas publikimit të disa bisedave kompromentuese në vitin 2006.
Sipas përgjimeve të publikuara nga ‘’El confidencial’’, Perez sulmon ashpër dy ikonat e Real Madridit, Raul Gonzales dhe Iker Kasijas. Numri një i madrilenëve i cilëson të dy lojtarët si ‘’mashtrimet’’ më të mëdha në historinë e klubit dhe për Kasijasin shprehet se nuk është portier për Realin.
‘’Casillas nuk është portier për Real Madrid, çfarë t’ju them. Nuk është. Nuk ka qenë kurrë. Është dështimi më i madh që kemi pasur. Ajo që ndodh është se tifozët dhe jo vetëm ,e adhurojnë atë.
E mbrojnë kaq shumë. Ky është një nga mashtrimet më të mëdha dhe Raul. Ata janë dy mashtrimet më të mëdha të Real Madrid. Raul i pari dhe Iker Casillas i dyti. Raul mendon se Real Madrid është pronë e tij”, shprehet Perez në audiopërgjime.
Këto biseda datojnë që nga viti 2006 në vitin kur Florentino Perez dha dorëheqjen si president i Real Madridit. Por, vetë Perez ka reaguar menjëherë duke u shprehur se ky është një sulm që vjen si pasojë e krijimi të Superligës.
